6 جون کا چاند گہن اور مختلف بروج پر اثرات

جون میں ایک چاند اور ایک سورج گہن ہے جب کہ جولائی کی 5 تاریخ کو دوبارہ چاند گہن ہوگا، اس کے بعد ایک سورج اور چاند گہن نومبر میں ہوں گے جو سال کے آخری گہن ہوں گے، گزشتہ کالم میں جون جولائی کے چاند سورج گہن کے اوقات دے دیے گئے تھے لیکن ان گہنوں کے ایسٹرولوجیکل اثرات پر گفتگو نہیں ہوئی تھی، عام طور سے گہن سے پہلے لوگ مختلف چہ مہ گوئیاں کرتے ہیں اور گہن سے متعلق عجیب عجیب افواہیں پھیلاتے ہیں، حالاں کہ ہر گہن ایسا نہیں ہوتا جس کے اثرات کو اہمیت دی جائے، یہ درست ہے کہ چاند یا سورج گہن کا وقت اچھا نہیں سمجھا جاتا اسی لیے اس وقت پر کثرت سے استغفار اور صدقات و خیرات کی تاکید کی گئی ہے لیکن ضروری نہیں ہے کہ کوئی بھی گہن ہر شخص کو یا ہر ملک کو متاثر کرے، گہن کے مخصوص اثرات کسی بھی شخص کے یا ملک کے انفرادی زائچے کے مطابق ہی دیکھے جاسکتے ہیں، آئیے اس کی تھوڑی سی وضاحت موجودہ گہنوں کے حوالے سے کرتے چلیں۔

چاند گہن 6جون 2020 ئ

ویدک سسٹم کے مطابق 6 جون کا چاند گہن 21 درجہ برج عقرب میں رات 12,12 am پر لگے گا، یہاں قمر کی حیثیت شدید متاثرہ ہوتی ہے یعنی یہ قمر کا برج ہبوط ہے، اس گہن کے موقع پر اول تو قمر در عقرب جاری ہے جو ویسے ہی نحوست کا وقت تصور کیا جاتا ہے، دوم یہ کہ گہن بھی ہوگا ۔
پاکستان کے زائچے میں یہ گہن ساتویں گھر میں لگے گا اور ساتویں گھر میں موجود سیارہ عطارد سے قریبی قران کرے گا جس کی وجہ سے پاکستان میں تعلیمی مسائل اور بچوں سے متعلق مسائل ، میڈیا سے متعلق مسائل زیادہ اہمیت اختیار کریں گے، باقی خود پاکستان کا زائچہ اس وقت جیسی خراب سیاروی صورت حال سے دوچار ہے اس پر گزشتہ کالم میں تفصیلی روشنی ڈالی جاچکی ہے۔
خیال رہے کہ جو گہن جس ملک میں نظر آتا ہے وہ زیادہ مو¿ثر ہوتا ہے، پانچ جون کا گہن بھی پاکستان میں نظر آئے گا۔

مختلف بروج اور چاند گہن

خیال رہے کہ آپ کے پیدائشی وقت کے مطابق جو برج ہوگا وہی اہمیت رکھتا ہے، اسی کے مطابق اپنے معاملات کودیکھنا چاہیے، عام لوگ صرف تاریخ پیدائش سے اپنا برج معلوم کرتے ہیں، ہمارے نزدیک یہ زیادہ مو¿ثر نہیں ہے۔
برج حمل: 6 جون کا چاند گہن آٹھویں گھر میں لگے گا جس کے نتیجے میں گھر اور خاندان سے متعلق پراپرٹی یا سواری سے متعلق یا والدہ کے حوالے سے کوئی پریشانی ہوسکتی ہے۔
برج ثور: وہ لوگ جن کا پیدائشی برج ثور ہے ان کے زائچے کے ساتویں گھر میں یہ گہن واقعہ ہوگا ، دوسروں سے تعلقات میں جذباتی نوعیت کی صورت حال پیدا ہوگی، بعض نئے تعلقات بھی ہوسکتے ہیں۔
برج جوزا: چاند گہن چھٹے گھر میں ہوگا، کام کا دباو¿ بڑھے گا، کوئی مالی پریشانی پیدا ہوسکتی ہے جو عارضی ہوگی، فیملی میں کسی کی صحت کا معاملہ پریشانی کا باعث بن سکتا ہے۔
برج سرطان: زائچے کے پانچویں گھر میں چاند گہن کسی حد تک مایوسی یا ڈپریشن لاسکتا ہے جو عارضی ہوگا، بچوں سے متعلق کوئی مسئلہ فکر مندی کا باعث بن سکتا ہے، آپ بہت زیادہ حساسیت کاشکار ہوسکتے ہیں۔
برج اسد: زائچے کے چوتھے گھر میں گہن ہوگا، نجی نوعیت کا کوئی مسئلہ اچانک سامنے آسکتا ہے اور خاص طور پر آپ کی حیثیت اور پوزیشن کے لیے چیلنج بن سکتا ہے۔
برج سنبلہ: زائچے کے تیسرے گھر میں چاند گہن کاروباری معاملات میں نقصان یا کوئی امید جو پہلے سے تھی ختم ہونے کی نشان دہی ہورہی ہے۔
برج میزان: زائچے کے دوسرے گھر میں چاند گہن فیملی اور مالی معاملات میں فکر مندی لاسکتا ہے، کاروباری صورت حال میں پریشانی ہوگی، توقع کے مطابق نتائج نہیں مل سکیں گے۔
برج عقرب: زائچے کے پہلے گھر میں یہ گہن قسمت کی خرابی کی نشان دہی ہے، خیال رہے کہ اس وقت کسی معاملے پر قسمت پر بھروسا نہ کریں، اپنی کوشش اور جدوجہد کو اہمیت دیں۔
برج قوس: زائچے کے بارھویں گھر میں گہن ہوگا جو صحت اور کام کے معاملات میں تشویش اور خوف لائے گا، خیال رہے کہ قوس والے اس وقت ویسے بھی وقت کی سختی کا شکار ہیں۔
برج جدی: زائچے کے گیارھویں گھر میں چاند گہن کاروباری پارٹنر شپ یا لائف پارٹنر شپ میں اختلافات یا تنازعات کی نشان دہی کرے گا، پارٹنر کی صحت کے مسائل بھی پریشان کن ہوسکتے ہیں۔
برج دلو: زائچے کے دسویں گھر میں چاند گہن ان لوگوں کے پیشہ ورانہ معاملات میں کوئی بڑی پریشانی لاسکتا ہے جن کے پیدائشی برج دلو کے درجات 16 سے 25 تک ہیں، اس کے علاوہ دلو والوں کو بھی پارٹنر شپ کے معاملات میں کوئی پریشانی یا مسئلہ پیدا ہوسکتا ہے، پارٹنر شپ کاروباری ہو یا ازدواجی۔
برج حوت: چاند گہن زائچے کے نویں گھر میں ہوگا، بچوں سے متعلق امور میں زیادہ احتیاط کی ضرورت ہوگی، کوئی غلطی اچانک کوئی نیا مسئلہ پیدا کرسکتی ہے،ممکن ہے کوئی خوشی اچانک ہاتھ سے نکل جائے، ڈپریشن لانے والا وقت ہوگا۔
عزیزان من! سورج گہن کے اثرات سے متعلق ان شاءاللہ آئندہ بات ہوگی، چاند یا سورج گہن کے موقع پر کثرت سے استغفار کا ورد کرنا ایک بہترین عمل ہے، اس کے علاوہ چاول اور چنے کی دال کا صدقہ اتوار اور پیر کے روز دینا چاہیے۔

جادو، بندش،آسیب

این۔ کیو ، کنیڈا سے لکھتی ہیں۔
”شادی کے بعد سے پریشان ہوں۔ بہت علاج کرایا۔ سب بہت پیسہ مانگتے ہیں۔ پاکستان میں جس سے بھی معلوم کیا جواب آیا کہ قریبی رشتہ دار جادو کر رہے ہیں۔ علاج بھی کروایا مگر اب وہ ہر تھوڑے دنوں میں پیسہ مانگتے ہیں اور کہتے ہیں کہ اب ایسا کام کروں گا کہ سب ٹھیک ہو جائے گا۔ میں بہت الجھن کا شکار ہوں۔ ایک تو آپ سے یہ معلوم کرنا تھا کہ کیا واقعی ہم پر جادو کیا جا رہا ہے یا کوئی اور بات ہے۔ میرے شوہر کا رویہ بھی مجھ سے مناسب نہیں ہے۔ وہ کبھی اچھے ہو جاتے ہیں اور کبھی برا سلوک کرتے ہیں۔ ان کی حالت عجیب ہوتی جا رہی ہے جیسے ان پر واقعی کوئی عجیب اثرات ہوں۔ ہمارا بہت دل کرتا ہے کہ ہم بھی بہت اچھی جگہ جاب کریں، پیسہ کمائیں مگر دونوں کا دماغ کام نہیں کرتا ہے۔ میں جس جگہ کام کر رہی ہوں وہاں بھی حالات ٹھیک نہیں ہیں۔ کوئی ترقی نہیں ملی بلکہ میری مخالفت کی جا رہی ہے۔ مجھ سے کوئی بھی خوش نہیں ہے۔ آپ پلیز بتایئے کہ کیا حل ہے اس کا؟ میں آپ کی شکر گزار رہوں گی۔“
جواب:۔ عزیزم! آپ کی ای میل کا جواب ہم نے مختصراً بھی دیا تھا مگر ظاہر ہے اس سے آپ کی تسلی نہیں ہوئی ہو گی۔ اکثر سوالات تفصیل طلب ہوتے ہیں۔ ان کا تفصیلی جواب براہ راست رابطے کے ذریعے ہی ممکن ہے یا پھر ہم اس کالم کے ذریعے بھی ایسے سوالوں کو تفصیل کے ساتھ زیر بحث لاتے ہیں۔ اس صورت میں شرط یہی ہے کہ آپ کا مسئلہ ایسا ہو کہ دوسروں کے لئے بھی دلچسپی کا باعث ہو اور ان کی معلومات میں بھی اضافہ ہو سکے۔ آپ جس صورت حال کا شکار ہیں۔ یہ مسئلہ بے شمار لوگوں کے ساتھ پیش آتا ہے اور وہ مسئلے کی بنیادی وجوہات کو سمجھنے سے قاصر ہوتے ہیں نتیجتاً نام نہاد جعلی عاملوں کاملوں سے رابطہ کر کے اپنے مسئلے کو مزید پے چیدہ بنا دیتے ہیں۔ یہ نام نہاد عامل ہر مسئلے کی وجہ ایک ہی بتاتے ہیں یعنی بندش، سحر، جادو، آسیب و جنات اور پھر اس کا علاج۔ اس کا تجربہ آپ کو ہو چکا ہے حالانکہ اصولی طور پر پہلے یہ ثابت تو کیا جائے کہ مریض واقعی کسی جادوئی یا آسیبی معاملے میں مبتلا ہے، صرف زبانی یہ کہہ دینا کافی نہیں ہے کہ آپ پر جادو کیا گیا ہے اور کسی قریبی رشتے دار وغیرہ کو اس میں ملوث کر دینا۔ کون سا ایسا خاندان ایسا ہے جہاں باہمی اختلافات اور تنازعات موجود نہیں ہیں لہٰذا اس بنیاد پر ہر مخالف رشتے دار پر یہ شک کرنا کہ وہ ہمارے خلاف کالا سفلی عمل کروا رہا ہے، کوئی معقول بات نہیں ہے۔ ہمیں اس سے انکار ممکن نہیں ہے کہ لوگ حسد، بغض، کینہ اور انتقام کی آگ میں اندھے ہو کر ہر سطح تک چلے جاتے ہیں اور اس حوالے سے گندی سے گندی حرکت بھی کرنے اور کرانے کے لئے تیار رہتے ہیں۔ ہمارا واسطہ رات دن ایسے معاملات سے پڑتا رہتا ہے مگر حقیقت یہ ہے کہ بہت کم کیس ایسے ہوتے ہیں جن میں حقیقی معنوں میں سحر، جادو یا آسیب و جنات کی کارروائی نظر آتی ہے۔ تقریباً 99 فیصد معاملات میں وقت کی گردش اور انسان کی اپنی غلطیاں اور کوتاہیاں اور حماقتیں سرفہرست ہوتی ہیں۔
وقت کی گردش کے حوالے سے ہم پہلے بھی بہت کچھ لکھتے رہے ہیں اور اس سلسلے میں سیارگان کے اثرات اور کردار پر بہت تفصیلی مضامین لکھے جو ہماری ویب سائٹ پر دیکھے بھی جا سکتے ہیں۔ ہمارا تو مقولہ ہی یہ ہے کہ ہم سے رابطہ کرنے والے افراد کی اکثریت وقت کی خرابی کا شکار ہوتی ہے۔ آپ کا مسئلہ بھی کچھ ایسا ہی ہے۔ آپ کا پیدائشی برج سنبلہ اور قمری برج قوس ہے۔ بہرحال سیارہ زحل کی نحوست آپ کو اور آپ کے شوہر کو پوری طرح گھیرے ہوئے ہے اور آپ کے تقریباً تمام مسائل کی بنیادی وجہ یہی ہے لیکن بہت زیادہ مایوس ہونے کی ضرورت نہیں۔ اپنی جاب پر مستقل مزاجی سے جمی رہیں۔ ساتھ ہی ہفتہ کے دن اپنا صدقہ دیا کریں اور ”نورانی لوحِ زحل“ پاس رکھیں، یہ لوح نہ صرف یہ کہ سیارگان کے نحس اثرات کا خاتمہ کرتی ہے بلکہ دوسروں کے کیے کرائے سے بھی محفوظ رکھتی ہے کیوں کہ اس میں حروفِ نورانی کے ساتھ قرآنِ کریم کی وہ آیات شامل کی گئی ہے جو اللہ کی وحدانیت کا اظہار کرتی ہیں اور ان کی ہیبت و جلال بہت زبردست ہے۔
آپ کے شوہر کا معاملہ ذرا مختلف ہے۔ زحل کی ساڑھ ستی کے ساتھ ساتھ کچھ پراسرار معاملات کی بھی نشان دہی ہو رہی ہے۔ ان کی تصدیق اور علاج کا طریقہ ہم یہاں لکھ رہے ہیں اس پر عمل کریں اور پھر نتائج کی ہمیں اطلاع دیں۔

سحری اثرات کی شناخت اور علاج

نیلے رنگ کا ایسا دھاگا لیں جو سوتی یعنی Cotton کا ہو۔ سلک یا نائیلون وغیرہ اس میں شامل نہ ہو۔ اپنے شوہر کو سیدھا کھڑا کر کے پیشانی پر جس جگہ بال ختم ہو رہے ہیں وہاں سے پاﺅں کے انگوٹھے تک دھاگا ناپ لیں پھر اس دھاگے کے برابر 10 دھاگے اور ناپ کر 11 دھاگے کا ڈورا بنا لیں۔ یہ کام عصر اور مغرب کے درمیان کریں۔ اس کے بعد ڈورے کے شروع میں گانٹھ لگانے کے انداز میں پھندا بنائیں اور سورہ فلق پڑھ کر اس پھندے میں پھونک مارتے ہوئے پوری گانٹھ لگا دیں جیسے آپ نے ہوا کو گانٹھ میں باندھ دیا ہو۔ پھر تھوڑے فاصلے پر اسی طرح پھندا بنا کر سورہ فلق پڑھ کر پھونک مارتے ہوئے دوسری گانٹھ لگائیں اور اسی طرح تھوڑے تھوڑے فاصلے سے دھاگے کے ایک سرے سے دوسرے سرے تک 11 گانٹھیں لگائیں بعد ازاں دھاگے کا گولا بنا کر آگ میں ڈال دیں۔ آگ اگر کوئلوں کی ہو تو زیادہ بہتر ہو گا اگر کوئلے میسر نہ آئیں تو گیس کے چولہے پر کوئی لوہے کی پلیٹ یا روٹی پکانے کا توا رکھ کر اسے اچھی طرح اتنا گرم کریں کہ جب دھاگا اس پر ڈالا جائے تو وہ جل جائے۔ براہ راست آگ کے شعلوں پر دھاگا نہ ڈالیں۔
جب دھاگا جلے تو غور کریں کہ دھاگا نارمل انداز میں جل رہا ہے یا کوئی ایب نارمل بات موجود ہے یعنی دھاگا اگر نارمل جل جائے تو سمجھ لیں کہ کوئی سحر، جادو وغیرہ کا اثر نہیں ہے لیکن اگر دھاگا جلتے وقت کوئی مخصوص بدبو، بساند، چراند بہت زیادہ دھواں الغرض کوئی بھی نئی بات محسوس ہو یا نظر آئے تو سمجھ لیں کہ کچھ سحری اثرات موجود ہیں۔ اس عمل کو 11 دن تک کریں۔ انشاءاﷲ سحری اثرات ختم ہو جائیں گے۔ جیسے جیسے عمل کیا جائے گا، مریض کی حالت بہتر ہونے لگے گی اور دھاگا نارمل جلنے لگے گا۔ 11 دن بعد عموماً ہر قسم کے اثرات ختم ہو جاتے ہیں بعد میں کچھ صدقہ خیرات کرنا چاہئے۔
اگر نہایت ضدی اور سخت قسم کے اثرات ہوں اور 11 دن بعد بھی دھاگا جلنے میں ایب نارملٹی برقرار ہو تو دوبارہ مشورہ کریں۔
اس عمل کے دوران میں اگر سورہ فلق اور سورہ ناس سات سات مرتبہ پڑھ کر پانی پر دم کر کے صبح شام پلاتے رہیں تو یہ مزید بہتر بات ہو گی۔ ہفتہ اور منگل کے دن مریض کا صدقہ بھی دینا چاہئے۔
امید ہے اس طریقے سے ہمارے دیگر قارئین بھی فائدہ اٹھائیں گے اور صرف دوسروں کے کہنے سننے یا صرف اپنے شک اور وہم کی بنیاد پر سحر و جادو کا علاج نہیں کرائیں گے۔