آج کا دن کیسا رہے گا؟

ہفتہ  17مئی 2025

ملے جلے اثرات کا حامل دن ہے لیکن آج کی مصروفیات میں اپنی صوابدید کو اہمیت دیں۔ یہ آپ پر منحصر ہے کہ آپ کیا کرتے ہیں اور کیا نہیں کرتے۔ خاص طور پر اپنی صحت کا خیال رکھنے کی ضرورت ہے۔ کسی بدپرہیزی کا شکار نہ ہوں۔ صاحب حیثیت افراد سے دور رہیں، وہ آپ پر کسی ذمے داری کا نیا بوجھ ڈال سکتے ہیں۔ لکی نمبرز 3اور 8ہیں۔

جمعہ  16 مئی  2025

ملے جلے اثرات کا حامل دن ہے۔ بہتر ہوگا کہ اجنبی اور غیر مخلص لوگوں کی باتوں پر توجہ نہ دیں۔ وہ آپ کو غلط مشورہ دے سکتے ہیں یا کوئی غلط راستہ بتاسکتے ہیں۔ ایسی صورت میں مخلص لوگوں سے مشورہ کرنا بہتر ہوگا۔ سفر سے متعلق مسائل کے حل میں مدد مل سکتی ہے۔خواتین کے ساتھ کسی بحث مباحثے میں الجھنا غلط ہوگا۔ لکی نمبرز 4اور 9ہیں۔

جمعرات  15 مئی  2025

منفی اثرات کا حامل دن ہے ۔ اپنے روز مرہ فرائض کی ادائیگی تک محدود رہیں۔ کوئی نیا معاملہ سامنے آئے تو اسے فی الحال ٹال دیں۔ کسی کام میں رکاوٹ آسکتی ہے یا کسی مسئلے میں آپ منفی سوچ کا شکار ہوسکتے ہیں۔ اسے ذہن سے جھٹک دیں ۔ علاج معالجہ کرانے کے لیے مناسب دن ہے۔ اپنی صحت پر توجہ دیں۔ لکی نمبر5ہے۔

بدھ  14 مئی  2025

منفی اثرات کا حامل دن ہے۔ کوئی نیا کام شروع نہ کریں ۔ پہلے سے جاری کاموں کو نمٹانے کی کوشش کریں اور اگر کسی کام میں رکاوٹ یا کوئی مسئلہ پیدا ہوتا ہے تو اسے فی الحال کسی اور دن کے لیے چھوڑ دیں۔طبیعت میں حساسیت زیادہ ہوگی ، بہتر ہوگا کہ اپنی کسی پسندیدہ دلچسپی یا تفریحی امور پر توجہ دیں۔ لکی نمبر5ہے۔

منگل  13 مئی  2025

ملے جلے اثرات کا حامل دن ہے۔آج کے پروگرام کو لچک دار رکھیں۔ کوئی نئی بات نئی صورت حال ڈسٹرب کرسکتی ہے۔ اپنے موقف پر سختی سے قائم رہیں، دوسروں کے دباو میں نہ آئیں۔ آپ برداشت اور تحمل سے کام لے کر صورت حال پر قابو پاسکتے ہیں اور اپنی مرضی کے نتائج حاصل کرسکتے ہیں۔ لکی نمبرز 4اور 9ہیں۔

پیر  12مئی 2025

منفی اثرات جاری ہیں۔ گھر سے نکلتے ہوئے اچھی طرح غور کرلیں کہ آپ کوئی اہم بات یا کوئی اہم چیز بھول تو نہیں رہے، اپنی قیمتی چیزوں کی حفاظت کا خیال رکھیں۔ زیادہ جوش میں ہوش کھونا غلط ہوگا۔ صاحب حیثیت افراد سے مدد و تعاون حاصل کرنا مشکل ہوگا۔ کوئی بات ذہنی دباو¿ یا الجھن کا سبب بن سکتی ہے۔ لکی نمبرز 1اور 6ہیں۔

اتوار  11 مئی  2025

منفی اثرات کا حامل دن ہے۔ آوٹ ڈور تفریحی پروگرام بنانے سے گریز کریں، سفر میں مشکلات پیش آسکتی ہیں۔ دوسروں سے بحث و مباحثہ کسی بدمزگی کا شکار ہوسکتا ہے۔ضروری نہیں ہے کہ لوگ آپ کی بات سے اتفاق کریں یا آپ ان سے اتفاق کریں۔ طبیعت میں غصہ اور اشتعال بڑھ سکتا ہے، برداشت سے کام لیں۔ لکی نمبرز 3اور 8ہیں۔

ہفتہ  10مئی 2025

مثبت اثرات کا حامل دن ہے۔ بہتر ہوگا کہ اس دن کی سعادت سے فائدہ اٹھائیں اور اپنے اہم ضروری کاموں کو نمٹانے کی کوشش کریں۔ اہل علم افراد سے ملاقات و مشورہ کریں ، وہ بہتر راستہ تجویز کرسکتے ہیں۔ مالی نوعیت کے معاملات میں بھی پیش رفت ہوسکتی ہے، دوسروں سے لین دین کرنا بھی بہتر ثابت ہوگا۔ لکی نمبر5ہے۔

جمعہ  09 مئی  2025

مثبت اثرات کا حامل دن ہے۔ کاموں کو نمٹانے میں آسانی ہوگی، آپ کی کارکردگی بہتر رہے گی۔ خصوصاً مالی فوائد کے حصول میں آسانی ہوگی، انعامی اسکیموں میں حصہ لے سکتے ہیں۔ ٹیکنیکل نوعیت کے کاموں میں مدد و تعاون ملے گا ، خصوصاً مشینری سے متعلق خریدوفروخت سے متعلق کام فائدہ بخش ہوں گے۔ لکی نمبرز 2اور 7ہیں۔

جمعرات  08 مئی  2025

ملے جلے اثرات جاری ہیں۔ کام کا دباو زیادہ رہے گااور صحت کے معاملات پر بھی توجہ دینا چاہیے۔ کوئی غیر متوقع بات یا صورت حال خوشی کا باعث ہوسکتی ہے۔ کوئی نیا چانس سامنے آسکتا ہے۔ بہتر ہوگا کہ آپ بھی کچھ نیا اپنے معمول سے ہٹ کر کرنے کی کوشش کریں۔ خواتین سے بحث و تکرار سے گریز کریں۔ لکی نمبرز 2اور 7ہیں۔

بدھ  07 مئی  2025

ملے جلے اثرات کا حامل دن ہے۔ تحمل اور برداشت سے کام لینا ضروری ہے، گورنمنٹ سے متعلق کاموں میں کامیابی مل سکتی ہے اور اعلیٰ عہدوں پر موجود افراد کا تعاون حاصل ہوسکتا ہے لیکن اخراجات زیادہ ہوسکتے ہیں۔ مالی امور میں محتاط رہنے کی ضرورت ہے، خصوصاً لین دین کرتے ہوئے زیادہ محتاط رہیں۔ لکی نمبرز 3اور 8ہیں۔

منگل  06 مئی  2025

ملے جلے اثرات جاری ہیں۔کسی کام میں کامیابی یا ناکامی کا انحصار آپ کی ذاتی صلاحیت پر ہے۔ آپ کوئی فیصلہ غلط کرتے ہیں یا درست یہ آپ پر منحصر ہے۔ اگر کوئی مسئلہ الجھا ہوا ہو تو کسی مخلص اور قابل بھروسا شخصیت سے مشورہ ضرور کریں۔ ممکن ہے آپ اسے جس نظر سے دیکھ رہے ہوں وہ درست نہ ہو، غلط ہو۔ لکی نمبرز 2اور 7ہیں۔

پیر  05مئی 2025

ملے جلے اثرات کا حامل دن ہے۔ کسی کام میں رکاوٹ یا تاخیر ہوسکتی ہے لیکن بات چیت اور کوشش سے مسئلہ حل ہوجائے گا۔ سفر سے متعلق کاموں میں دشواری نہیں ہوگی ۔ سفر آسان رہے گا، مالی اور ترقیاتی منصوبہ بندی کرنا بہتر ہوگا لیکن کوئی بات یا کوئی صورت حال توقع کے خلاف بھی ہوسکتی ہے۔ آپ غلطی کرسکتے ہیں، لکی نمبرز 3اور 8ہیں۔

اتوار  04 مئی  2025

ملے جلے اثرات کا حامل دن ہے۔ طبیعت میں کچھ بے چینی محسوس کرسکتے ہیں لیکن یہ عارضی بات ہوگی۔ کوئی قریبی معاملہ تشویش کا باعث ہوسکتا ہے۔ اسے ذہن سے جھٹک دیں، کسی تشویش کا شکار نہ ہوں۔ اپنے فیملی ممبرز یا قریبی رشتے داروں سے میل ملاقات خوش گوار رہے گی، کسی تقریب میں شرکت بہتر ہوگی۔ لکی نمبرز 1اور 6ہیں۔

ہفتہ  03مئی 2025

مثبت اثرات کا حامل دن ہے۔ گھریلو اور خاندانی امور توجہ طلب ہوسکتے ہیں۔ کوئی نئی پسندیدہ بات یا صورت حال سامنے آسکتی ہے۔ کاموں میں کوئی رکاوٹ نہیں ہوگی، آپ کی تخلیقی صلاحیتیں عروج پر رہیں گی۔ تفریحی یا رومانی نوعیت کی دلچسپیاں پرلطف ہوں گی۔ باہمی دلچسپی کے امور خوش گوار ثابت ہوں گے۔ لکی نمبرز 2 اور 7ہیں۔

جمعہ  02 مئی  2025

ملے جلے اثرات کا حامل دن ہے، گورنمنٹ سے متعلق کاموں میں آسانی ہوگی۔افسران بالا سے ملاقات و مشورہ مفید رہے گا۔ ذہانت اور ہوشیاری سے کام لے کر کامیابی حاصل کرسکتے ہیں۔ دوسروں کی بات سمجھنا یا انھیں سمجھانا کچھ مشکل ہوسکتا ہے۔ کسی جلد بازی کا شکار نہ ہوں۔ خواتین دوسروں کی باتوں کا بھروسا نہ کریں۔ لکی نمبرز 4اور 9ہیں۔

جمعرات  یکم مئی  2025

منفی اثرات کا حامل دن ہے۔ کسی کام میں رکاوٹ آسکتی ہے۔ زیادہ محنت اور توجہ سے اسے دور کیا جاسکتا ہے، اجنبی اور غیر مخلص افراد کی باتوں پر بھروسا نہ کریں۔ کسی دھوکے اور فراڈ سے بچیں، قابل بھروسا لوگوں سے مشورہ کریں۔اپنی قیمتی چیزوں کی حفاظت کا خیال رکھیں۔ خواتین سے بحث نہ کریں۔ لکی نمبرز 4اور 9ہیں۔

بدھ 30 اپریل 2025

مثبت اثرات کا حامل دن ہے۔ آج کیے گئے فیصلے اور اقدام آئندہ بہتر نتائج لاسکتے ہیں۔ سفر سے متعلق کاموں کی انجام دہی بہتر رہے گی۔ سفر آسان ہوگا، اہل علم افراد سے ملاقات و مشورہ مفید ثابت ہوگا۔ قانونی امور میں بہتر راستے نکلیں گے۔ مستقبل کے لیے مالی منصوبہ بندی کی جاسکتی ہے، ایک کامیاب دن ہے۔ لکی نمبرز 3اور 8ہیں۔

منگل 29 اپریل  2025

مثبت اثرات کا حامل دن ہے۔ اپنی کوششوں کو تیز کریں اور نئے پروگرام بنائیں۔ ہمت اور جرات سے کام لیں۔ اپنی بات کا کھل کر اظہار کریں۔ کسی جھجک یا اندیشے کا شکار نہ ہوں۔ آپ اپنے مقاصد میں کامیاب رہیں گے اور اپنا ٹارگٹ حاصل کرلیں گے۔ دوسروں سے بات چیت یا سفر میں آسانی ہوگی۔ لکی نمبرز 1اور 6ہیں۔

پیر28 اپریل 2025

منفی اثرات جاری ہیں۔ چناں چہ احتیاط ضروری ہے۔ آپ کی کوئی بھی مہم جوئی یا کسی معاملے میں پیش رفت آئندہ فائدہ بخش نہیں ہوگی۔ طبیعت میں بے چینی اور اضطراب بڑھے گا، اس پر کنٹرول کرنے کی ضرورت ہوگی۔ اپنے پسندیدہ اور مخلص لوگوں سے ملاقات بہتر رہے گی۔ بزرگ افراد سے مشورہ کریں۔ لکی نمبرز 2اور 7ہیں۔

اتوار 27 اپریل  2025

منفی اثرات جاری ہیں۔ کوئی نیا کام شروع نہ کریں نہ کسی نئے معاملے میں شریک ہوں۔ اپنی پسندیدہ تفریحی دلچسپیوں میں حصہ لیں۔ طبیعت میں بے چینی محسوس کرسکتے ہیں، اس پر قابو پائیں اور بلاوجہ کی آوارہ گردی سے بھی گریز کریں۔دوسرے کوئی ایسی بات کرسکتے ہیں جو ناگوار محسوس ہو، اسے نظرانداز کردیں۔ لکی نمبر5ہے۔

ہفتہ  26  اپریل 2025

منفی اثرات جاری ہیں۔ اپنے فرائض کی ادائیگی تک محدود رہیں اور اپنے جذبات پر قابو رکھیں ۔ آپ کے مخالفین کسی پریشانی کا باعث بن سکتے ہیں اور کسی بات پر آپ کو بہت زیادہ غصہ بھی آسکتا ہے۔ تحمل و برداشت سے کام لیں۔ ٹیکنیکل نوعیت کے کاموں میں بھی پریشانی ہوسکتی ہے۔ ڈرائیونگ میں احتیاط سے کام لیں۔ لکی نمبرز 2اور 7ہیں۔

جمعہ 25 اپریل 2025

منفی اثرات کا حامل دن ہے۔اپنے فرائض کی ادائیگی تک محدود رہیں۔ کوئی نیا پروگرام یا نئی مہم جوئی مناسب نہیں ہوگی۔ کسی کام میں رکاوٹ آسکتی ہے، اسے فی الحال کسی اور دن کے لیے چھوڑ دیں اور صبروتحمل اختیار کریں۔کوئی نئی بات یا نیا خیال بہتر ثابت ہوسکتا ہے، اسے نظرانداز نہ کریں۔ اپنے جذبات پر قابو رکھیں۔ لکی نمبرز 3اور 8ہیں۔

جمعرات 24 اپریل 2025

ملے جلے اثرات جاری ہیں۔ آپ کو اپنی سمجھ بوجھ سے کام لے کر کوشش کرنا چاہیے۔ دوسروں سے مدد و تعاون کی زیادہ امید نہ رکھیں۔ اپنے طریقہ کار میں کوئی نیا پن ، نیا آئیڈیا لائیں اور کامیابی کی امید رکھیں، لکیر کے فقیر نہ بنیں۔ مالی امور میں لین دین کرتے ہوئے محتاط رہیں اور اخراجات پر بھی نظر رکھیں۔ لکی نمبرز 4اور 9ہیں۔

بدھ 23 اپریل 2025

ملے جلے اثرات کا حامل دن ہے۔ خیال رہے کہ آج کے پروگرام کو لچک دار رکھیں۔ کوئی اپ سیٹ بھی ہوسکتا ہے۔ ایسی صورت میں کسی گھبراہٹ یا بدنظمی کا شکار ہونے سے بچیںاور متبادل حکمت عملی کو بھی ذہن میں رکھیں لیکن دوسروں سے معاملات طے کرتے ہوئے کسی لچک کا مظاہرہ نہ کریں۔کسی دباو کو قبول نہ کریں۔ لکی نمبر 5ہے۔

منگل 22 اپریل  2025

مثبت اثرات کا حامل دن ہے۔ نظم و ضبط اور اصول و قواعد کی پابندی کرتے ہوئے کامیابی حاصل کی جاسکتی ہے۔ آئندہ کے لیے مالی امور میں کوئی منصوبہ بندی کرنا بہتر رہے گا۔ اپنے مہینے بھر کے بجٹ پر نظر ثانی کریں اور اخراجات پر قابو پانے کی حکمت عملی بنائیں۔ ایسے لوگوں سے دور رہیں جو منفی سوچ رکھتے ہیں۔لکی نمبرز 3اور 8ہیں۔

پیر21 اپریل 2025

ملے جلے اثرات کا حامل دن ہے۔ بعض رکے ہوئے کاموں کو آگے بڑھاسکیں گے۔ آپ کی تخلیقی صلاحیتیں نمایاں رہیں گی۔ البتہ اپنے موڈ مزاج پر قابو رکھنے کی ضرورت ہوگی۔ کسی بات پر زیادہ برہمی اور غصہ نامناسب ہوگا۔ ٹھنڈے دل و دماغ سے کام کرنا بہتر ہے۔ ٹیکنیکل نوعیت کے کاموں میں دشواری پیش آسکتی ہے۔ لکی نمبرز 4اور 9ہیں۔

اتوار 20 اپریل  2025

مثبت اثرات کا حامل دن ہے۔ کوئی نئی بات ، کوئی نیا آئیڈیا ذہن میں آسکتا ہے، اسے نظر انداز نہ کریں۔ گھریلو ماحول کو خوش گوار بنایا جاسکتا ہے اور بہتر انداز میں دن گزارا جاسکتا ہے۔ کسی تقریب میں شرکت یا دوست ، احباب سے ملاقات بہتر رہے گی۔ کوئی پسندیدہ تفریحی پروگرام بھی بہتر رہے گا۔ لکی نمبرز 2اور 7ہیں۔

ہفتہ  19  اپریل 2025

ملے جلے اثرات کا حامل دن ہے۔ دانش مندی اور ہوشیاری سے کام لینے کی ضرورت ہے۔ دوسروں کی باتوں میں نہ آئیں۔ اپنی ذاتی سوچ اور سمجھ کے مطابق فیصلے کریں۔ دوسروں کی رائے یا مشورہ معتبر نہیں ہوگا۔ جوش و جذبہ نمایاں رہے گا لیکن ہوش و حواس میں رہیں۔ دوسروں کو کمتر نہ سمجھیں۔ لکی نمبرز 4اور 9ہیں۔

جمعہ 18 اپریل 2025

منفی اثرات جاری ہیں۔ خواتین سے بات چیت میں محتاط رہیں، ان کی پریشانیوں یا الجھنوں پر توجہ دیں۔ کسی کام میں کوئی رکاوٹ پیدا ہوسکتی ہے، اسے فی الحال چھوڑ دیں۔ زبردستی آگے بڑھانے کی کوشش نہ کریں۔ غلط فہمیاں یا بدگمانیاں پیدا ہوسکتی ہیں، دوسروں کی باتوں پر آنکھیں بند کرکے بھروسا نہ کریں۔ لکی نمبرز 1اور 6ہیں۔

جمعرات 17 اپریل 2025

منفی اثرات کا حامل دن ہے۔ خصوصاً ایسے کاموں یا معاملات سے دور رہیں جن میں کوئی رسک یا شکوک و شبہات موجود ہوں۔ کوئی مالی نقصان یا زائد اخراجات کا امکان ہے۔ خواتین کو زیادہ محتاط رہنے کی ضرورت ہے۔ ان سے کیے گئے وعدے پورے نہیں ہوں گے۔ وہ زیادہ جذباتی ردعمل ظاہر کرسکتی ہیں۔ لکی نمبرز 1اور6ہیں۔

بدھ 16 اپریل 2025

ملے جلے اثرات کا حامل دن ہے لیکن منفی سوچ اور طرز عمل سے گریز کریں۔ بہت زیادہ حساسیت اور جذباتی پن نقصان دہ ہوسکتا ہے۔ کاموں میں کوئی رکاوٹ نہیں ہوگی۔جرات اور ہمت سے کام لے کر کامیابی مل سکتی ہے۔ کوئی نیا کام شروع نہ کریں، کسی نئے ایگریمنٹ پر سائن نہ کریں۔ منگنی وغیرہ کے لیے بھی ناموافق دن ہے۔لکی نمبرز 2اور 7ہیں۔

منگل 15 اپریل  2025

ملے جلے اثرات کا حامل دن ہے لیکن اپنے پروگرام کو لچک دار رکھیں۔ ضروری نہیں ہے کہ سب کچھ آپ کی مرضی و منشا کے مطابق ہو۔ کوئی اپ سیٹ بھی ہوسکتا ہے۔ ایسی صورت میں کسی گھبراہٹ کا شکار نہ ہوں، متبادل حکمت عملی سے کام لیں۔ آپ صورت حال کو سنبھال سکتے ہیں اور اپنے مقاصد حاصل کرسکتے ہیں۔ لکی نمبرز 1اور 6ہیں۔

پیر14 اپریل 2025

مثبت اثرات کا حامل دن ہے لیکن کسی ناجائز دباو یا ذہنی الجھن کا شکار ہوسکتے ہیں، اسے ذہن سے جھٹک دیں اور باہمی افہام و تفہیم کے ساتھ دوسروں سے تعاون کریں۔ آپ اپنے مقاصد کے حصول میں کامیاب رہیں گے۔اشتراکی نوعیت کے معاملات بہتر طور پر انجام پائیں گے۔ موڈ مزاج خوش گوار رہے گا۔ لکی نمبرز 2اور 7ہیں۔

اتوار 13 اپریل  2025

ملے جلے اثرات جاری ہیں۔ نیا جوش و جذبہ پیدا ہوسکتا ہے۔ کوئی پسندیدہ تفریحی پروگرام بناسکتے ہیں۔ اہم اور پسندیدہ لوگوں سے میل ملاقات بہتر رہے گی لیکن ضروری نہیں ہے کہ وہ آپ سے کسی معاملے میں اتفاق کریں۔کوئی بات ناپسندیدہ یا ناگوار ہوسکتی ہے۔ ضبط و برداشت سے کام لیں، ٹیکنیکل خرابیاں سامنے آسکتی ہیں۔لکی نمبرز 4اور 9ہیں۔

ہفتہ  12  اپریل 2025

ملے جلے اثرات کا حامل دن ہے لیکن دوسروں کے معاملات و مسائل سے خود کو دور رکھ کر آپ ایک اچھا دن گزارسکتے ہیں ۔ اہل علم اور دانش مند افراد سے ملاقات یا مشورہ کرنا بہتر ثابت ہوگا، وہ آپ کی بہتر رہنمائی کرسکتے ہیں۔ مالی امور میں بہتری کے لیے کوشش کرنا یا کوئی منصوبہ بنانا بہتر ثابت ہوگا۔ صحت کا خیال رکھیں۔لکی نمبرز 1اور6ہیں۔

جمعہ 11 اپریل 2025

منفی اثرات جاری ہے۔ اپنے کام سے کام رکھتے ہوئے دن گزاریں، خود کو کسی نئی الجھن یا مہم جوئی سے دور رکھیں۔ دوسروں کے کاموں میں مداخلت نئے مسائل پیدا کرسکتی ہے۔ اجنبی اور غیر مخلص افراد پر بھروسا نہ کریں، کسی دھوکے یا فراڈ کا شکار ہوسکتے ہیں۔بعض غلط فہمیاں یا بدگمانیاں جنم لے سکتی ہیں۔ لکی نمبرز 3اور 8ہیں۔

جمعرات 10 اپریل 2025

منفی اثرات کا حامل دن ہے۔ کوئی مالی نقصان یا زائد اخراجات بھی ہوسکتے ہیں۔ دوسروں کو اپنی بات سمجھانے میں دشواری پیش آسکتی ہے۔ کسی بحث اور تکرار سے گریز کریں، خصوصاً خواتین سے بات کرتے ہوئے محتاط رہیں۔ ان کا موڈ مزاج برہم ہوسکتا ہے۔ اپنے کام میں کوئی نیا پن یا نیا آئیڈیا لانا بہتر ہوگا۔ لکی نمبرز 3اور 8ہیں۔

بدھ 09 اپریل 2025

ملے جلے اثرات کا حامل دن ہے۔ کسی بات کو انا کا مسئلہ نہ بنائیں۔ صبروتحمل اور برداشت سے کام لیں۔ کوئی ناگوار بات بھی سامنے آسکتی ہے۔ اس پر برہمی کا اظہار کرنے کے بجائے درگزر سے کام لیں۔ اہم اور صاحب حیثیت افراد سے ملاقات کرنا فائدہ مند ہوسکتا ہے۔ وہ بہتر مشورہ دے سکتے ہیں۔ لکی نمبرز4اور 9ہیں۔

منگل 08 اپریل  2025

ملے جلے اثرات کا حامل دن ہے، اپنے آج کے پروگرام کو لچک دار رکھیں۔ ضروری نہیں ہے کہ سب کچھ آپ کی مرضی کے مطابق ہو، کوئی اپ سیٹ بھی ہو سکتا ہے، متبادل حکمت عملی بھی ذہن میں رکھیں۔ لکی نمبر 3 اور 8 ہیں۔

پیر07 اپریل 2025

ملے جلے اثرات کا حامل دن ہے۔ مالی اور ترقیاتی امور پر توجہ دیں۔ اچھے نتائج حاصل ہوسکتے ہیں لیکن کسی بھی نئی بات یا نئی صورت حال کے لیے ذہنی طور پر تیار رہیں۔ مقررہ پروگرام میں کوئی اپ سیٹ سامنے آسکتا ہے۔ آج آپ کی بہتر مشیر کوئی خاتون ہوسکتی ہے۔ اس کی بات پر توجہ دیں اور کچھ نیا کرنے کا سوچیں۔ لکی نمبر5ہے۔

اتوار 06 اپریل  2025

مثبت اثرات کا حامل دن ہے۔ ذہن میں نئے خیالات اور آئیڈیاز آسکتے ہیں، کچھ نیا کرنے کا رجحان ہوسکتا ہے۔ ایسا کرنا اچھا ہوگا، زندگی میں چھوٹی چھوٹی خوشیاں بھی بہت اہمیت رکھتی ہیں۔ ان پر توجہ دیں۔ کاموں میں کوئی رکاوٹ پیدا نہیں ہوگی۔ تجربے کار یا بزرگ افراد سے ملاقات و مشورہ کرنا بہتر رہے گا۔ لکی نمبرز 3اور 8ہیں۔

ہفتہ  05  اپریل 2025

ملے جلے اثرات جاری ہیں ۔ آپ کو خود یہ فیصلہ کرنا کہ کیا غلط ہے اور کیا درست ہے؟بہت کچھ نیا اور غیر متوقع سامنے آسکتا ہے۔ گورنمنٹ سے متعلق معاملات میں مایوسی ہوسکتی ہے۔اعلیٰ افسران یا صاحب حیثیت افراد سے تعاون یا مدد ملنا مشکل ہوگا۔ ایسا وقت ہے جس میں بہت ہوشیاری اور تحمل کی ضرورت ہے۔ لکی نمبرز 3اور 8ہیں۔

جمعہ 04 اپریل 2025

ملے جلے اثرات جاری ہیں۔ گھر سے نکلتے ہوئے اطمینان کرلیں کہ آپ کوئی اہم بات یا اہم چیز بھول تو نہیں رہے۔ اپنی قیمتی چیزوں کی حفاظت کا خیال رکھیں۔دوسروں کی باتوں میں نہ آئیں، وہ غلط مشورے دے سکتے ہیں یا بدگمانیاں اور غلط فہمیاں پیدا کرسکتے ہیں۔ کھلے دل و دماغ سے کام لینا بہتر ثابت ہوگا۔ لکی نمبر5ہے۔

جمعرات 03 اپریل 2025

منفی اثرات کا حامل دن ہے۔ کسی معاملے میں کوئی رکاوٹ یا کوئی ناپسندیدہ صورت حال پیدا ہوسکتی ہے۔ بہتر ہوگا کہ اسے نظر انداز کریںاور کسی دوسری مصروفیت یا دلچسپی کی طرف متوجہ ہوں۔ عبادات اور آئندہ کی منصوبہ بندی کے لیے اچھا دن ہے۔ کسی بحث اور تکرار سے گریز کریں اور بوریت کا شکار ہونے سے بچیں۔لکی نمبرز 1اور 6ہیں۔

بدھ 02 اپریل 2025

ملے جلے اثرات جاری ہیں۔ تخلیقی صلاحیتیں نمایاں رہیں گی۔ غورو فکر کرنا اور آئندہ کے بارے میں پلاننگ کے لیے اچھا دن ہے۔ اہم اور صاحب حیثیت افراد سے ملاقات بہتر رہے گی۔ گھریلو اور خاندانی معاملات اہمیت اختیار کریں گے۔ البتہ طبیعت میں کچھ بے زاری کا عنصر بھی اپنا رنگ دکھائے گا۔ لکی نمبرز 2اور 7ہیں۔

منگل یکم اپریل  2025

ملے جلے اثرات کا حامل دن ہے۔ زیادہ توانائی حاصل ہوگی۔ ضروری کاموں کو انجام دینے میں کوئی تھکن نہیں ہوگی۔ طبیعت میں بے چینی اور کچھ نیا کرنے کی لگن ہوسکتی ہے لیکن بہتر ہوگا کہ اچانک کوئی نیا پروگرام نہ بنائیں۔ پہلے سے طے شدہ پروگرام کے مطابق ہی دن گزاریں۔ لوگوں سے میل ملاقات خوش گوار رہے گی۔ لکی نمبر5ہے۔